शंभर दिवस वाचन अभियान

राज्य शैक्षणिक संशोधन व प्रशिक्षण परिषद महाराष्ट्र ,पुणे

📖 *१०० दिवस वाचन अभियान* 📖

नमस्कार!

   केंद्र शासनाच्या निर्देशानुसार राज्यात १ जानेवारी २०२२ पासून *शंभर दिवस वाचन अभियान (Reading campaign)* हा उपक्रम सुरू करण्यात आलेला आहे. यामध्ये विद्यार्थ्यांच्या वाचन कौशल्य व  अभिरुची विकसित होण्यासाठी दर आठवड्याला  बालवाटिका ते इयत्ता आठवीतील  विद्यार्थ्यांसाठी वाचन संदर्भाने वेगवेगळे उपक्रम  घेणे अपेक्षित आहे. नियोजनानुसार इयत्ता निहाय विद्यार्थ्यांना खालील उपक्रम करण्यास प्रोत्साहित करावे.

 🌀 *आठवडा सातवा* 🌀

   दि.१२/२/२०२२ ते १८/२/२०२२

गट -१

 *बाल वाटिका ते इयत्ता दुसरी* 

 *उपक्रम* - मी कोण आहे?

विद्यार्थ्यांना त्यांनी वाचलेल्या पुस्तकातील कथेतील पात्र व त्या पात्राची वैशिष्ट्ये ओळखण्यास सांगावे आणि ती सर्व विद्यार्थ्यांसमोर वर्गात कथन करण्यास प्रोत्साहित करावे. 

गट -२

 *इयत्ता तिसरी ते इयत्ता पाचवी* 

 *उपक्रम*- एकमेकांशी बोलणे (संवाद) 

हा उपक्रम विद्यार्थ्यांच्या जोड्या करून घेणे .जोडीतील एक विद्यार्थी सदर पुस्तकाचा लेखक असेल व विद्यार्थी पुस्तकातील एखादे पात्र असेल असे अशी भूमिका देऊन एकमेकांना पुस्तकाविषयी  विषयी पाच प्रश्न विचारण्यास प्रोत्साहित करावे.यासाठी स्थानिक कथांची निवड  करावी.

गट -३

 *इयत्ता सहावी ते आठवी* 

 *उपक्रम* - पुस्तक निवड

आपल्या मित्राला पुस्तक वाचण्यासाठी   शिफारस करण्यासाठी विद्यार्थ्यांना वाचन सूचीतून /शालेय वाचनालयातून पुस्तक निवड करण्यास सांगावे .तसेच सदर पुस्तकातील / कथेतील कोणत्याही एका पात्राचे /व्यक्तीचे वर्णन सारांश स्वरूपात लेखन करण्यास सांगावे.

*संचालक*

*राज्य शैक्षणिक संशोधन व प्रशिक्षण परिषद, महाराष्ट्र, पुणे*