जागतिक / प्लास्टीक कचरा निर्मूलनासाठी उद्या जिल्हयात महाश्रमदान नागरीकांनी सहभागी होण्याचे जिल्हाधिकारी व मुख्य कार्यकारी अधिकारी यांचे आवाहन
प्लास्टीक कचरा निर्मूलनासाठी उद्या जिल्हयात महाश्रमदान नागरीकांनी सहभागी होण्याचे जिल्हाधिकारी व मुख्य कार्यकारी अधिकारी यांचे आवाहन
नांदेड :
महात्मा गांधी यांच्या 150 व्या जयंती निमित्त देशभरात स्वच्छता ही सेवा हे विशेष अभियान राबविले जात आहे. यानिमित्त नांदेड जिल्हयात उद्या दिनांक 2 ऑक्टोबर रोजी प्लास्टीक कचरा निर्मूलनासाठी महाश्रमदानाचे आयोजन करण्यात आले आहे. या महाश्रमदान कार्यक्रमात नागरीकांनी सक्रीय सहभाग घ्यावा, असे आवाहन जिल्हाधिकारी अरुण डोंगरे आणि जिल्हा परिषदेचे मुख्य कार्यकारी अधिकारी अशोक काकडे यांनी केले आहे.
दिनांक 11 सप्टेंबर पासून स्वच्छता ही सेवा या उपक्रमाला सुरुवात झाली आहे. दिनांक 2 ऑक्टोबर रोजी जिल्हयातील सर्व गावातून महाश्रमदानाचे आयोजन करण्यात आले आहे. यामध्ये ग्राम पंचायत, शाळा-महाविद्यालय, अंगणवाडी, प्राथमिक आरोग्य केंद्र, उप केंद्र, शासकीय निमशासकीय कार्यालयातून प्लास्टीक निर्मूलनासाठी महाश्रमदान उपक्रमाचे आयोजन करण्यात आले आहे.
आपले गाव स्वच्छ आणि सुंदर करण्यासाठी आणि प्लास्टीक पासून होणारे दुष्परिणाम टाळण्यासाठी त्याचे निर्मून करुन कापडी पिशव्यांचा वापर करण्यावर भर दिला जात आहे. महाश्रमदानातून जमा होणारा प्लास्टीक कचरा जमा करण्यासाठी गावस्तरावर मध्यवर्ती ठिकाणी कचरा संकलन केंद्र स्थापन करावे. त्यानंतर कच-याचे विभाजन करुन त्याची विल्हेवाट लावण्यात येणार आहे. यासाठी सर्व गट विकास अधिकारी, गट शिक्षणाधिकारी, यांनी आवाहन केले आहे z.p.p.s.nagazari
No comments:
Post a Comment