Shikshan parishad

जिल्हा शैक्षणिक सातत्यपूर्ण व्यावसायिक विकास संस्था नांदेड DIECPD NANDED  MENU शिक्षण परिषद : शिक्षकांचे व्यासपीठ Posted on July 10, 2019 by नागोराव येवतीकर  RELATED POST लोकसंख्या शिक्षण : शिक्षकाची भूमिका यशवंतराव चव्हाण सभागृह जि प नांदेड येथे गुणवत्ता आढावा बैठक संपन्न. मुलांच्या प्रगतीसाठी मुखेड येथे केंद्रीय परिषद पूर्व कार्यशाळा संपन्न वृक्षलागवड: फक्त घोषणा अन् दिखावे नकोत  FacebookTwitterEmailPinterestWhatsAppLinkedInGmailShare शिक्षण परिषद : शिक्षकांचे व्यासपीठ शिक्षकांना नेहमी अद्ययावत ठेवणे आणि शासनाच्या नवीन अध्यादेशांची माहिती शिक्षकाना व्हावी यासाठी शासन अनेक प्रकारचे प्रयत्न करते. त्यात वेळोवेळी प्रशिक्षणाचे आयोजन करणे हे तर आलेच त्याचसोबत ठराविक कालावधी नंतर सर्व शिक्षक एकत्र येऊन त्यांच्यात शैक्षणिक चर्चा व्हावी म्हणून एक बैठक आयोजित करण्यात येते. त्यास सध्या शिक्षण परिषद असे सुंदर नाव देण्यात आले आहे. महिन्याच्या शेवटच्या शनिवारी संकुलातील सर्व शाळातील जिल्हा परिषद, खाजगी अनुदानित आणि विना अनुदानित शाळेतील इयत्ता पहिली ते आठवी वर्गास अध्यापन करणाऱ्या शिक्षकांसाठी ह्या परिषदेचे आयोजन केले जाते. तसे हे पहिल्यांदाच होत आहे, असे नाही. यापूर्वी 1990 च्या दशकात सर्व शिक्षकांना एकत्र आणण्यासाठी मासिक गटसंमेलन व्हायची. त्यापूर्वी महिन्यातून एकदा काही महत्वाचे अहवाल गोळा करण्यासाठी मासिक बैठक व्हायची ज्यात फक्त कागद गोळा केले जायचे. पण गटसंमेलनास सुरुवात झाल्यावर यात आमूलाग्र बदल करण्यात आला. काही शाळेत यास उत्सवाचे स्वरूप देण्यात आले. शाळेत चालणाऱ्या विविध उपक्रमाची माहिती, शाळेचा परिसर आणि इतर काही महत्वाच्या बाबी यातून अधोरेखित केल्या जायचे. पुढे पुढे या गटसंमेलनास वेगळे स्वरूप प्राप्त होत गेल्यामुळे हे संमेलन रद्द करण्यात आले. त्यामुळे अनेक शिक्षक एका संकुलात राहून देखील कित्येक महिने एकमेकांना भेटू शकत नव्हते. म्हणून परत एकदा मागील चार-पाच वर्षापासून शैक्षणिक संमेलन नावाने शिक्षक एकत्र येऊ लागले होते. त्यानंतर दोन वर्षापासून हेच शैक्षणिक संमलेन शिक्षण परिषद या नावाने घेतल्या जात आहे. परिषद या शब्दाचा व्यापक अर्थ लक्षात घेऊन शिक्षकांनी एकत्र येऊन अध्यापन कार्यात येणाऱ्या अडचणी, त्यावर शोधून काढलेले काही सोपे उपाय, विविध शाळेत चालणारे उपक्रमांची माहिती, शासनाकडून दररोज काढण्यात येणार नवनवीन अध्यादेश याची माहिती शिक्षकांना व्हावी म्हणून या परिषदेची निर्मिती करण्यात आली. आज कित्येक शिक्षक मंडळी तंत्रज्ञानाचा वापर करून नवीन उपक्रमाची निर्मिती करत आहेत, त्यावर देखील येथे चर्चा होणे अपेक्षित आहे. त्याच सोबत काही साहित्यिक शिक्षक मंडळींना प्रोत्साहन देण्यासाठी जीवन शिक्षण हे पुस्तक गेल्या कित्येक वर्षापासून पुणे येथून प्रकाशित होत आहे. त्याची ओळख देखील यात देण्यात आली तर शिक्षकांकडून अनेक नवीन साहित्य निर्माण होऊ शकते. या परिषदेत DIECPD कडून तयार करण्यात आलेल्या अध्ययन कृती आराखड्यावर केंद्रातील मराठी, गणित, इंग्रजी, विज्ञान आणि सामाजिक शास्त्रे या विषयातील काही तज्ञ शिक्षक सर्व शिक्षकांना अध्यापनाचे अनुभव देतात आणि शिक्षक-शिक्षक यांच्यात आंतरक्रिया घडवून आणतात. बऱ्याच वेळा शाळेत अध्यापन करत असताना काही अडचणी येतात. त्याची चर्चा या परिषदेच्या माध्यमातून होणे अपेक्षित असते. एकाची समस्या कधी कधी सर्वांची समस्या असू शकते. केंद्रातील तंत्रस्नेही शिक्षकांच्या मदतीने डिजिटल वर्गात मुलांना ऑनलाईन पद्धतीने कसे अध्यापन करावे ? याचे ही मार्गदर्शन मिळते. DIECPD चे सर्व अधिकारी आणि प्राध्यापक मंडळी जिल्ह्यातील शिक्षकांना अध्यापन क्रिया सुलभ आणि परिणामकारक व्हावी म्हणून अनेक माध्यमातून प्रयत्न करत असतात, हे या परिषदेच्या माध्यमातून दिसून येत आहे. शाळेतील मुलांच्या गुणवत्तेसाठी कोणते उपक्रम आणि प्रयोग करता येऊ शकेल याची सांगोपांग चर्चा या परिषदेत होत असते. काही कल्पक केंद्रप्रमुख आणि विस्तार अधिकारी हे शिक्षकांना समृद्ध करण्यासाठी काही शिक्षणतज्ञ किंवा समुपदेशन करणाऱ्या व्यक्तींना परिषदेत आमंत्रित करतात. तसे पाहिले तर काही शिक्षक मंडळी देखील एखाद्या शैक्षणिक विषयावर छान पैकी बोलू शकतात. तेंव्हा अश्या शिक्षकांना एकत्र करून त्यांना त्यांच्या संकुलाबाहेरच्या शिक्षण परिषदेत बोलण्याची संधी दिल्यास शिक्षकांना स्वतःला अभिव्यक्त होण्याची संधी मिळेल, असे वाटते. जिल्हा आणि तालुका पातळीवरील सक्षम अधिकारी या सुचनेविषयी अधिक विचार करून शिक्षण परिषद अजून समृद्ध करतील अशी आशा व्यक्त करण्यास हरकत नाही. ज्ञानासाठी या आणि सेवेसाठी जा असेच काही या परिषदेविषयी म्हणता येईल. महिन्यातून एक दिवस शिक्षकांसाठी भरविण्यात येत असलेले शिक्षण परिषद हे शिक्षकांनी आपल्या हक्काचे व्यासपीठ आहे असे समजून मिळालेल्या संधीचे सोने नक्की करतील, असा विश्वास आहे. – नागोराव सा. येवतीकर स्तंभलेखक व प्राथमिक शिक्षक जिल्हा परिषद प्राथमिक शाळा चिरली ता. बिलोली जि. नांदेड 9423625769  नागोराव येवतीकर स्तंभलेखक व प्राथमिक शिक्षक मु. येवती ता. धर्माबाद जि. नांदेड 9423625769 FacebookTwitterEmailPinterestWhatsAppLinkedInGmailShare Posted in इतर Post navigation मुलांच्या प्रगतीसाठीयशवंतराव चव्हाण सभागृह जि प नांदेड येथे गुणवत्ता आढावा बैठक संपन्न. COMMENTS   ATul ASHOKRAO Kulkarni July 10, 2019 at 3:01 pm समर्पक शब्दांत लेखन व विषयास न्याय…खूप खूप अभिनंदन! Reply  Pralhad sidram Tumedwar July 11, 2019 at 1:28 am Very nice Na sa ji yours view of attitude is very broad to others thanks Reply LEAVE A COMMENT     ADD COMMENT  Copyright 2016. All rights reserved DIECPD Nanded | Profitmag by Rigorous Themes  We'd like to show you notifications for the latest news and updates. ALLOWNO THANKS