Class 2

इयत्ता 2 री गणित पाठयपुस्तकात संख्यावाचन पद्धतीत केलेला बदल हा महत्त्वपूर्ण व दशमान पद्धतीस साहाय्य करणारा आहे..विद्यार्थ्यांना संख्याज्ञानात येणारी अडचण ही मुख्यत्वे संख्यवाचनातील (विशेषतः 2 अंकी संख्या) अडचणीमुळे येते...अध्ययनस्तर निश्चिती कार्यक्रमात हा अनुभव आपण नक्कीच घेतला आहे की विद्यार्थी बेरीज, वजाबाकी करतात पण संख्या वाचू शकत नाहीत...बरोबर ना? याचे विश्लेषण केल्यावर लक्षात आले की मराठीतील संख्यानामे दशक व एकक संबोध समजण्यासाठी लाभदायक ठरत नाहीयेत..कारण आपण म्हणतो सत्तावीस ज्यात म्हणतो अगोदर 7 व लिहितो 2..विद्यार्थी ही नावे पाठ करण्यावर भर देतात किंवा शिक्षक बांधव विविध क्लृप्त्या वापरून विद्यार्थ्यांना ती पाठ व्हावीत म्हणून खूप परिश्रम घेतात.पाठ्यपुस्तकातील हा बदल इतर प्रादेशिक भाषा (विशेषतः दक्षिण भारतीय भाषा) नुसार जे बोलतो ते लिहितो याप्रमाणे हा बदल केलेला आहे.शक्य तेवढी जोडाक्षरे कमी करण्याचा हा स्वागतार्ह प्रयत्न आहे आणि त्याहीपेक्षा महत्वाचे म्हणजे दशमान पद्धती अतिशय नैसर्गिक पणे रुजण्यास मदत होते.सोबत आपली पारंपरिक संख्यानामे दिली आहेतच.उद्देश केवळ 27 ही संख्या वीस सात अशी समजली की 2 दशक व 7 एकक सहज समजतील व समजपूर्वक सरावाने सत्तावीस देखील समजेल.. गणित पेटीतील साहित्य नियमित वापरून संख्याज्ञान पक्के केल्यास कोणतीही अडचण येणार नाही हे नक्की ! विशेषतः 1 ली व 2 री च्या विद्यार्थ्यांना जून 2019 मध्ये ससाहित्य 1 व 2 अंकी संख्या घ्याव्यात.विद्यार्थी कृती करतील व शिक्षक सुलभक बनतील हे पाहावे..यामुळे शिक्षकांचे परिश्रम कमी होतील..अखेर शिक्षक हा व्यवस्थेचा कणा आहे.तो समाधानी होणे महत्त्वाचे! म्हणून नवीन बदल सकारात्मक दृष्टीकोनातून स्वीकारू व प्रगत शैक्षणिक महाराष्ट्र घडवू... सर्वांना शैक्षणिक वर्ष 2019-20 साठी शुभेच्छा 🌹🌹 *अतुल कुलकर्णी* *गणित विषय सहायक* *DIECPD नांदेड*